மடத்துக்குளம்:தமிழ்நாடு அடிமுறை சங்கம் மற்றும் விருதுநகர் மாவட்ட அடிமுறை சங்கம் சார்பில் அதன் தலைவர் செல்வராஜ் தலைமையில் மாநில அளவிலான மூன்றாவது அடி முறை சாம்பியன் ஷிப் போட்டி அருப்புக்கோட்டையில் உள்ள சௌடாம்பிகா பொறியியல் கல்லூரியில் நடைபெற்றது.இதில் மடத்துக்குளம் பகுதியை சேர்ந்த விளையாட்டு வீரர்கள் மினி சப்- ஜூனியர், சப் - ஜூனியர், ஜூனியர் மற்றும் சீனியர் பிரிவுகளில் பங்கேற்றனர். மடத்துக்குளம் உயிர் கலை தற்காப்பு சங்கத்தின் சார்பாக பயிற்சியாளர் வினோத்குமார் தலைமையில் 14 மாணவ மாணவிகள் கலந்துகொண்டு மொத்தம் 14 தங்கம், 5 வெள்ளி, 8 வெண்கலம் ஆகிய பதக்கங்களை வென்று சாதனை படைத்துள்ளனர். பதக்கங்களை குவித்த விளையாட்டு வீரர்களை மடத்துக்குளம் சட்டமன்ற தொகுதி எம்.எல்.ஏ., சி.மகேந்திரன் வாழ்த்து கூறி பாராட்டினார்.Date:19/10/2021Time:03:40 pm BY G.NAGARAJ REPORTER
DETAIL
திருப்பூர்:திருப்பூர் நகரை ஒட்டி அமைந்துள்ள நஞ்சராயன் குளம் 450 ஏக்கர் பரப்பு கொண்டது. நல்லாற்றிலிருந்து இந்த குளத்துக்கு நீர் ஆதாரம் கிடைக்கிறது. இந்த குளத்தில் நிலவும் சீதோஷ்ண நிலை காரணமாக ஆண்டுதோறும் பல்லாயிரம் பறவைகள், பல்வேறு வெளிநாடுகளில் இருந்து இங்கு வந்து தங்கி செல்கின்றன.இதனை பறவைகள் சரணாலயமாக மாற்றி பராமரிக்கவும், குளத்தை முறையாக தூர்வாரி, நீர் வற்றாமல் தேங்கும் விதமாகவும் குளத்தின் கரையில் பொழுதுபோக்கு அம்சங்களுடன் பூங்கா அமைக்கவும், குளத்துக்கு வரும் நீர் அதில் சேகரமாகும் முன் சுத்திகரிப்பு செய்து கழிவுகளற்ற குளமாக பராமரிக்க வேண்டும் எனவும் பல்வேறு தரப்பினர் வேண்டுகோள் விடுத்துள்ளனர். இதையடுத்து திருப்பூர் இயற்கை கழகம் இதற்கான முன்னெடுப்பை மேற்கொண்டு வருகிறது. இதற்காக 2014 மற்றும் 2020ம் ஆண்டுகளில் வனத்துறையினர் ஆய்வு மேற்கொண்டனர். அதன் தொடர்ச்சியாக இயற்கை கழக நிர்வாகிகள் ரவீந்திரன், ராம்குமார் மற்றும் நல்லசிவம் ஆகியோர் திருப்பூர் தெற்கு தொகுதிஎம்.எல்.ஏ., செல்வராஜை சந்தித்து விளக்கினர். எம்.எல்.ஏ.,செல்வராஜ் கூறுகையில்:பல ஆண்டுகளாக இந்த கோரிக்கை இருந்து வருவதை அறிந்தேன். நம் திருப்பூரில் ஒரு பறவைகள் சரணாலயம் அமைவது நமக்குத்தான் பெருமை. பல்லாயிரம் மைல்கள் தாண்டி பறந்து வரும் பறவைகளுக்கு திருப்பூரின் வேடந்தாங்கலாக நஞ்சராயன் குளம் மாறும் நாள் வெகுதொலைவில் இல்லை. கண்டிப்பாக இதுகுறித்து முதல்வரிடம் தனிப்பட்ட கவனத்துக்கு கொண்டு சென்று முயற்சி எடுப்பேன் என்றார்.Date:19/10/2021Time:02:45pm BY G.NAGARAJ REPORTER
பல்லடம்:சிவாலயங்களில் பிரதோச பூஜை நடைபெறுவது வழக்கம். இந்த நிலையில் நேற்று பல்லடம் அருகேயுள்ள சித்தம்பலம் கோளறுபதி நவகிரக கோட்டையில் ஐப்பசி மாத முதல் பிரதோசத்தை முன்னிட்டு சிறப்பு பூஜைகள் நடைபெற்றன. மேலும் அம்மையப்பர் கோவில் திருவீதி உலா நடைபெற்றது. காமாட்சிபுரி ஆதீனம் சிவலிங்கேஸ்வர சுவாமிகள் தலைமையில் நடைபெற்ற இந்த சிறப்பு வழிபாட்டில் சமூக இடைவெளியுடன் பக்தர்கள் கலந்து கொண்டு, சாமியை வழிபட்டனர். மேலும் பல்லடம் பகுதியிலுள்ள அருளானந்தஈஸ்வரர் கோவில், மாதப்பூர் முத்துக்குமாரசாமி மலைக்கோவில் உள்ளிட்ட சிவாலயங்களில் பிரதோச பூஜை நடைபெற்றது.Date:19/10/2021Time:02:00 pm BY G.NAGARAJ REPORTER
இளஞ்சிவப்பு படை ரோந்து பணியை திருப்பூர் மாநகர போலீஸ் கமிஷனர் வனிதா தொடங்கி வைத்த காட்சி.காலதாமதமின்றி சம்பவ இடத்துக்கு சென்று நடவடிக்கை எடுக்கும் வகையில் முற்றிலும் பெண் போலீசாரை கொண்ட இந்த படை தொடங்கப்பட்டுள்ளது.திருப்பூர்:திருப்பூர் மாநகரில் 8 சட்டம் - ஒழுங்கு போலீஸ் நிலையம், 2 அனைத்து மகளிர் போலீஸ் நிலையம் செயல்படுகிறது. நகரில் பெண்கள் மற்றும் குழந்தைகளுக்கு எதிரான குற்றங்களை தடுப்பது மற்றும் கண்காணிக்கும் வகையில் குற்றம் நடந்தால் உடனே அப்பகுதிக்கு சென்று நடவடிக்கை எடுக்கவும் 'பிங்க்' (இளஞ்சிவப்பு படை) ரோந்து முறை அறிமுகப்படுத்தப்பட்டுள்ளது.இதன் அறிமுக நிகழ்ச்சி கமிஷனர் அலுவலக வளாகத்தில் கமிஷனர் வனிதா தலைமையில் நடந்தது. அவர் வாகனங்களை பெண் போலீசாருக்கு வழங்கி பணியினை தொடங்கி வைத்தார். இந்த இளஞ்சிவப்பு படை குறித்து கமிஷனர் வனிதா கூறியதாவது:-நகரில் உள்ள பள்ளி, கல்லூரி மற்றும் பெண்கள் அதிகமாக பணிபுரிய கூடிய இடங்கள், பொது இடங்களில் ரோந்து சென்று பெண்கள் மற்றும் குழந்தைக்கு எதிராக நடக்கும் குற்ற தடுப்பு நடவடிக்கைகள் மேற்கொள்ளப்படும்.குழந்தைகளுக்கு எதிராக நடக்கும் குற்றங்கள் குறித்து விழிப்புணர்வு ஏற்படுத்தப்படும். மக்கள் கூடும் இடங்களில் விழிப்புணர்வு நிகழ்ச்சி நடத்தப்படும். குற்ற சம்பவம் நடந்தால், காலதாமதமின்றி சம்பவ இடத்துக்கு சென்று நடவடிக்கை எடுக்கும் வகையில் முற்றிலும் பெண் போலீசாரை கொண்ட இந்த படை தொடங்கப்பட்டுள்ளது. இதற்கு என தனியாக செல்போன் எண் 94981 - 81209 வழங்கப்பட்டுள்ளது. இந்த எண் மாநகர கட்டுப்பாட்டு அறையுடன் இணைக்கப்பட்டுள்ளது. எண்ணுக்கு வரும் புகார் குறித்து உடனடியாக ரோந்து போலீசாருக்கு தகவல் அளிக்கப்படும். இவ்வாறு அவர் கூறினார்.Date:19/10/2021Time:12:30 pm BY G.NAGARAJ REPORTER
காஞ்சிபுரம் மாவட்டத்தில் கன மழை பெய்ததால், பாலாறு, செய்யாறு, வேகவதி ஆற்றில் நீர்வரத்து அதிகரிக்க துவங்கியது. இதனால் பாலாற்றின் குறுக்கே திருமுக்கூடல் பகுதியில் கட்டப்பட்ட தடுப்பணை நிரம்பி வழிந்தது. மாகறல் செய்யாற்று பகுதியில் 8 கோடி ரூபாய் மதிப்பீட்டில் கட்டப்பட்ட தடுப்பணை தற்போது இரண்டாவது முறையாக இந்த மாதத்தில் நிரம்பி வழிந்தது. இதனிடையே, காஞ்சிபுரம் மாவட்டத்தில் பெய்த கன மழையில் வந்த நீரை பொதுப்பணித்துறையினர் சுமார் 100 ஏரிகளுக்கு திருப்பிவிட்டு ஏரி நிரம்ப பணியைத் துவக்கினர். இந்நிலையில், காவாந்தண்டலம் உள்ளாட்சி தேர்தலின் போது, கிராம மக்களுக்கு தி. மு. க வேட்பாளர் ராதாவிஜியகுமார் செய்யாற்று ஒட்டி செல்லும் காவாந்தண்டலம் ஏரி வரத்துக் கால்வாய் சீரமைப்பு செய்து முப்போகம் விளையும் வகையில் நீர் சேமிக்கப்படும் என வாக்குறுதியளித்தார். தற்போது நீர் நிரம்பி வழிவதால் இன்று பதவியேற்கும் முன்பே தான் அளித்த வாக்குறுதியை நிறைவேற்றும் வகையில் பொதுப்பணித்துறையிடம் இணைந்து 2 கிலோ மீட்டர் நீர்வரத்து கால்வாயை சீரமைத்துள்ளனர். தற்போது கால்வாய் அனைத்தும் தயார் நிலையில் உள்ளது. இதனையடுத்து இன்று பொதுப்பணித் துறை அனுமதி பெற்று அவர்கள் முன்னிலையில் செய்யாற்று சேமிக்கப்பட்டு மீதம் வரும் உபரி நீரினை காவந்தண்டலம் கிராம ஏரிக்கு செல்லும் வகையில் தடுப்பணை மதகு திறக்கப்பட உள்ளது. கிராம ஏரி நிரம்பி வழிந்தால் சுமார் ஆயிரம் ஏக்கருக்கு மேல் விவசாயம் 3 போகும் சிறப்படையும் என்பதால் அப்பகுதி விவசாயிகள் மற்றும் கிராம மக்கள் மகிழ்ச்சி அடைந்துள்ளனர்.DATE:20:10:21 REPORTER : S. REVATHI
நஞ்சில்லாத சோளப்பயிர் தீவனம் வழங்குவது குறித்து, ஏனாத்துார் உழவர் பயிற்சி நிலைய கால்நடை உதவி பேராசிரியர் மற்றும் தலைவர் இரா.கோபி கூறியதாவது:மாடுகளின் தீவனத்திற்காக சோளப்பயிரை சாகுபடி செய்யும் விவசாயிகள் எண்ணிக்கை அதிகமாக இருக்கிறது. இளஞ்சோளப்பயிரில் சயனைடு எனும் நச்சுப் பொருள் அதிகமாக வளரும். சோளப்பயிர் வளர வளர, நச்சுத்தன்மை குறையும். இதனால் சோளப்பயிர் பூத்த பின் அறுவடை செய்து, மாடுகளுக்கு தீவனமாக கொடுக்கலாம்.பூக்காத இளஞ்சோளப்பயிரை மாடுகளுக்கு, அறவே கொடுக்க கூடாது. தெரியாமல் வழங்கினால், அதிக இளஞ்சோளப்பயிர் உட்கொண்ட மாடுகள் மூச்சுத்திணறல், அமைதியின்மை, நடுக்கம், வலிப்பு, சவ்வு பகுதிகளில் சிவக்கும். மேலும், வயிறு உப்பசம் ஏற்பட்டு மாடுகள் இறக்க நேரிடும்.சில நேரங்களில், இளஞ்சோளப்பயிரை மாடுகள் தெரியாமல் மேய்ந்து விட்டால், அருகில் இருக்கும் கால்நடை மருத்துவரை அணுகி, முறையாக சிகிச்சை பெற வேண்டும். இவ்வாறு செய்தால் மாடு வளர்ப்பில் இறப்பு இன்றி வருவாய் ஈட்ட முடியும்இவ்வாறு அவர் கூறினார்.DATE:20:10:21 REPORTER : S. REVATHI
ஆந்திர மாநிலம், 'வியூர் - -46' ரக கரும்பு சாகுபடி குறித்து, திருத்தணி அடுத்த, கொத்துார் கிராமத்தைச் சேர்ந்த விவசாயி கே.வெங்கடபதி கூறியதாவது:எனக்கு சொந்தமான செம்மண் மற்றும் சவுடு கலந்த களிமண் நிலத்தில், பலவித ரக கரும்பு சாகுபடி செய்கிறேன். அந்த வரிசையில் ஆந்திர மாநிலத்தில் இருக்கும், வியூர் அறிவியல் ஆராய்ச்சி நிலையத்தில் கண்டுபிடிக்கப்பட்ட 'வி-யூர் - 46' ரக கரும்பு சாகுபடி செய்துள்ளேன்.இந்த ரக கரும்பு இளஞ்சிவப்பு நிறத்தில் இருக்கும். 10 மாதங்களில், அறுவடைக்கு வரும்; சர்க்கரை அளவுக்குரிய ரகம். ஏக்கருக்கு 50 டன் வரை மகசூல் பெறலாம்.தமிழகத்தில் அறிமுகப்படுத்தி இருக்கும், நவீன ரக கரும்பு ரகங்களைவிட மகசூல் குறைவு. இருப்பினும் இரண்டாவது வெட்டு, மூன்றாவது வெட்டு, நான்காவது வெட்டு என, எட்டு அறுவடை வரை, ஒரே அளவு மகசூல் எடுக்கலாம். தமிழக ரக கரும்புகளில், ஒவ்வொரு அறுவடைக்கும் மகசூல் எடை குறையும்.இவ்வாறு அவர் கூறினார்.DATE:20:10:21 REPORTER : S. REVATHI
நாடு முழுவதும் தேசிய அளவிலான சுகாதார கணக்கெடுப்பு ஆண்டுதோறும் நடத்தப்பட்டு வருகிறது. தூய்மை பாரத இயக்கத்தின் சார்பில் கிராமப்புறங்களில் முழு சுகாதார திட்ட கணக்கெடுப்பு பணி காஞ்சீபுரம் மாவட்டம் வாலாஜாபாத் ஒன்றியத்திற்குட்பட்ட முத்தியால்பேட்டை கிராமத்தில் தொடங்கப்பட்டது.விழாவில் மாவட்ட கலெக்டர் ஆர்த்தி கலந்துகொண்டு குத்துவிளக்கேற்றி சுகாதார கணக்கெடுப்பு பணியை தொடங்கி வைத்தார்.பின்னர் கிராம மக்களிடம் பேசிய மாவட்ட கலெக்டர் ஆர்த்தி, கிராம மக்கள் அனைவரும் திறந்தவெளியில் மலம் கழிப்பதை தவிர்த்து, சுகாதாரமான கழிப்பிடத்தை ஏற்படுத்தி கொள்ள வேண்டும். வீடுகளில் சேரும் குப்பைகளை தரம் வாரியாக பிரித்து கிராமப்புற தூய்மை பணியாளர்களிடம் வழங்க வேண்டும், குப்பையில்லா தூய்மையான கிராமமாக மாற்ற வேண்டும் என்பது உள்ளிட்ட பல்வேறு கருத்துகளை எடுத்துக்கூறி விழிப்புணர்வு துண்டு பிரசுரங்களை கிராமப்புற மக்களுக்கு வழங்கினார்.தூய்மை கணக்கெடுப்பு பணிக்கான இலச்சினை வெளியிட்டு அதனை முன்னாள் ஒன்றிய கவுன்சிலர் ரஞ்சித் குமார் மற்றும் முத்தியால்பேட்டை ஊராட்சி மன்றத்தலைவர் அன்பழகன் ஆகியோரிடம் வழங்கினார்.இந்த நிகழ்ச்சியில் ஊரக வளர்ச்சித்துறை திட்ட இயக்குனர் ஸ்ரீதேவி, செயற்பொறியாளர் அருள், வட்டார வளர்ச்சி அலுவலர் நிர்மலா மற்றும் அரசு அலுவலர்கள் பொதுமக்கள் ஏராளமானோர் கலந்துகொண்டனர்.DATE:20:10:21 REPORTER : S. REVATHI
ஐப்பசி பௌர்ணமி நன்னாளில் அருள்மிகு ஸ்ரீ வடிவுடையம்மன் ஆன்மீகப் பணி குழுவின் சார்பாக இன்று மாலை 7 மணி அளவில் சிறப்பு பௌர்ணமி பூஜையும் அதனை அடுத்து பக்தர்களுக்கும் ஏழை எளிய மக்களுக்கும் அன்னதான பிரசாதங்கள் வழங்கப்பட்டது அதனை அடுத்து பவுர்ணமி தினத்தில் அம்பாள் வீற்றிருகாகக்கூடிய ஆலயத்தை சுற்றி கிரிவலம் வந்து அம்மனை தரிசனம் செய்யப்பட்டது.நிகழ்ச்சி தாங்கல் வீ.ரவீ திருபுரசுந்தரி ரவி அவர்கள் தலைமையில்திருவாளர்கள் தேரடி கே பரமசிவம் அம்சா தோட்டம் A.ராஜி தேரடி ஆர் ரவி TD ராமுபிகே ஞானம் எம் எஸ் கார்த்திக்ப.விஜய்டி காளிதாஸ் ராசப்பா சாமி செல்வம் வேல்சாமி மோகன் விவேகானந்தன் மணி முருகேசன்துரைபோட்டோ பாபுசங்கர்ரகுராம்மற்றும் பெரும் திரளாக பக்தர்கள் கலந்து கொண்டனர்
தண்டையார்பேட்டை, அருள்மிகு ஸ்ரீ சேணியம்மன் கோயிலில் குடிகொண்டிருக்கும், ஸ்ரீ அகத்தீஸ்வரருக்கு அன்னாபிஷேகம் செய்து சந்தன அலங்காரம் சார்த்தப்பட்டது.
Details
Page 1 of 1312 pages, Display 1-10 of 13116 Next › Last »
